Кеҥеж каникул тӱвыргын эрта. Йыраҥлаште шӱкшудым сомылена, вӱдым шавена. Емыж-саска, пакчасаска лыҥ шочыныт. Компотым шолтенна, вареньым ыштенна, помидор ден киярым шинчалтенна. Емыж-саска морозильникыш пышташ ситен.
Канашат жапым муына. Кама эҥер серыште верланыше каныме верышке миенна (снимкыште). Тыгыде кӱжӧ мыняр, ошмаже могай мотор! Шер теммешке йӱштылынна, кечыште капнам кӱктенна. Мӧҥгӧ толмо годым авиаций шоум онченна. Самолёт-влак, тӱрлӧ фигурым ыштен, писын чоҥештылыныт. Поро шарнымаш чоныштем кужу жап илаш тӱҥалеш.
Марина СТЕПАНОВА.
Волжский, Упшер.
