Ик сылне кеҥеж кечын ешна дене Морко район Кугу Вараҥыж ялышке миенна. Ялыш пурымаште кӱсото уло. Тудо историй да тӱвыра шарныктышлан шотлалтеш. 1827 ийыште тыште кугу тӱня кумалтыш эртаралтын. Кугу Вараҥыжыш вич тӱжем утла еҥ погынен. Эсогыл Виче, Ӱпӧ губернийла гыч толыныт. Верысе калык кызытат кӱсотыш коштеш. Тачысе кечылан отышто вич кумалме вер уло.
Ял йыр ончалат гын, пеш сӧралын коеш: постола шарлен вочшо пасу, садер, кугу плотина. Калыкше могай поро кумылан! Марий йӱлам жаплен илат. Эсогыл ятырыштын лӱмнерышт чылт марла йоҥга. Тыгай ялыш миен толмеке, чоным марий шӱлыш утыр авалта.
Алина СУББОТИНА.
2-шо номеран Морко школ.
Снимкыште: Ксения шӱжарем дене пырля.
