Оршанке район Марий Ернурышто илыше гармоньчо Александр Марковым шукын палат. Тудын мастарлыкшым ончен, кум ияш Рома эргыжат усталык шӱлышан кушкеш: гармонь дене шокташ тунем шуын. Ачаж пелен кугу сценышке «Изи гармоньчо» фестивальыште икымше гана лектын. Нунын выступатлымыштым интернетыште шуко еҥ аклен. Изи эрге ден ачан мастарлыкыштым Москоштат шекланен шуктеныт. «Привет, Андрей!» телепередачышке ӱжыныт. 8 июньышто «Россия-1» телеканал дене ончыктеныт.
Сылне марий вургем дене улмышт кугешнымашым шочыктен. Студийышке толшо уна-шамычат весела такмак почеш кушташ лектыныт. Выступлений деч вара мурызо Елена Василёк Пошкырт вел семым шокташ йодын. Александр дене пырля муралтымышт эшеат кумылым ылыжтен. Тыгай уста еш шукырак лиеш гын, марий тӱвыра утларак вияҥеш да Россий мучко чапланаш тӱҥалеш. А Рома – ончыкылык ӱшан.
З.ТИМОФЕЕВА.
