Снимкыште Кужэҥер район Кугу Регеж ял гыч Мария Мамаевам ужыда. Тений тудо Йошкар-Оласе йочасадше дене чеверласен. Кеҥеж мучко ынде ялыште канаш тӱҥалеш. Мария коважлан, ача-аважлан эре полышкала. Пашалан кожмак кушкеш. Шуко жапым Полина шӱжарже дене уремыште эртарат: ошма дене модыт, вашла поктылыт, мечым чумат, велосипед дене кудалыштыт… А эше ӱдыр кол кучаш кумылан. Шукерте огыл аваж дене ял воктенысе плотинаш кол кучаш миеныт. Маша вич олаҥгым кучен. Кажне гана колым лукташ тудлан кугу куан.
