Сотнур селасе черке пелен Рошто пайрем ёлкым эртаренна. Тушко йоча, ача-ава-влак погыненыт. Иерей, Игорь ача волгыдо пайрем дене саламлен. Рошто пайремын историйже дене палыме лийыныт. Йоча-шамыч, кож йыр шогалын, мурым муреныт, почеламутым ойленыт, туштылан вашмутым кычалыныт. Сотнур школышто 4-ше классыште тунемше-влак «Рошто ӱяча» йомакым модын ончыктеныт. 3-шо классыште тунемше-шамыч весела муро дене куандареныт. «Мо тыгае Рошто?» сценкым Сапаевмыт еш ямдылен. Йӱштӧ Кугыза ден Лумӱдыр чылалан шере пӧлекым кучыктеныт.
И.САПАЕВ.
Волжский район.
Фотом школ архив гыч налме.
Рошто ёлко
