Морко район Купсола школышто «Историйын ӧрыктарыше тӱняже» кружок кокымшо ий пашам ышта. Тушко 5-7-ше класслаште тунемше-влак коштыт. Пионерийын шочмыжлан 100 ий теммылан пӧлеклалтше мероприятийым шукерте огыл эртарышна. 5-ше классыште тунемше-влак пионерий нерген ятыр оҥай историйым пален нальыч. Ӱдыр-рвезе-влак горн дене пуалтен, тӱмырым кырен ончышт (снимкыште). Пионерын девизшым лудмеке, нунын гаяк чолга лияш, еҥ-влаклан полшаш ямде улмышт нерген шонымашыштым ойлышт.
Л.А.НИКИТИНА, туныктышо.
Авторын фотожо.
