Кажне шошым, 1 апрельыште, школышто Кайык пайремым эртарена. Тиддеч ончыч тунемше-влак шырчык омартам ыштен ямдылат. Ты гана тиде пашалан ме, 8-ше классыште тунемше-влак, эн ончыч пижна. Технологий урокым туныктышо Алексей Андреевич Сомин дене пырля кайык пӧртым писын ыштен шуктышна. Ямде омарта-влакым школ садеш сакалышна. Тек шырчык-влак мемнам сылне мурышт дене куандарат!
Никита ЕМЕНГУЛОВ.
Советский, Кукмарий.
Иза-акана, кугурак йолташна-влак «Орлята России» программе почеш икмыняр ий пашам ыштат. Нуно волонтёр улыт, тӱрлӧ акцийыш ушнат, пӱртӱсым шымлат да ятыр вес сомылым шуктат. Ойыртемалтше чиемышт, значокышт торашке волгалтыт да…
Моско ола. Шоналташ гына, могай тудо кугу! Мыняр тӱрлӧ калык ила, шотлен от пытаре. Нунын коклаште — поян тӱвыран, ойыртемалтше йӱлан марий калык. Марий-влак кугу олаштат эртыме корныштым огыт мондо.…