Кажне шошым, 1 апрельыште, школышто Кайык пайремым эртарена. Тиддеч ончыч тунемше-влак шырчык омартам ыштен ямдылат. Ты гана тиде пашалан ме, 8-ше классыште тунемше-влак, эн ончыч пижна. Технологий урокым туныктышо Алексей Андреевич Сомин дене пырля кайык пӧртым писын ыштен шуктышна. Ямде омарта-влакым школ садеш сакалышна. Тек шырчык-влак мемнам сылне мурышт дене куандарат!
Никита ЕМЕНГУЛОВ.
Советский, Кукмарий.
