Российысе салтак-влак Шочмо элын тыныслыкше верч Украиныште лӱдде кредалыт. У ий пайремымат тора кундемыште вашлийыт. Ӱдыр-рвезе-влак, поро тыланымашым, саламлымашым видеош войзен, «У ий дене!» республикысе конкурсыш ушненыт. 6-9 ияш-влак коклаште Полина Толстова, Ирина Андреева, Света Никифорова, Даша Изычева, Даша Матвеева (Звенигово, Тошнур тӱвыра пӧрт) сеҥышыш лектыныт. Параньга район Эльпанур школ гыч Валерия Алексеева (снимкыште) 10-12 ияш-шамыч коклаште ончылно лийын. 13-15 ияш-влак коклаште Килемар район Арде школ гыч Наталья Ласточкина ойыртемалтын.
6-шо классыште тунемше В.Алексеева элым аралыше-влаклан чон гыч лекше почеламутым возен. Тудым QR-код полшымо дене колышташ лиеш.
Талешке марий калыкем,
Чӱчӱ ден иза-шамычем,
Чыландам У ий дене саламлем,
Вий-куатым, тазалыкым тыланем.
Да тугак тыланем тыланда
Тиде шучко деч писын утлаш.
Йӧраталме ешда ден пырля
У ий касым ласкан эртараш.
Кораҥ кайышт тендан деч снаряд,
Пуля-шамыч, тушманым сеҥен.
Толмыдам вучена!
