Ик каныш кечын акам дене коктын рӱдоласе Сеҥымаш парк воктеч эртышна. Тудым ончал савырнаш кумылна лекте. Парк кугу. Мыланем сарзе технике комплекс келшыш. Пушкым, гаубицым ончышым (снимкыште). Танк йырат савырнышым. Мыланем чылажат оҥай. Кугу Ачамланде сар годым тыгай технике дене тушман ваштареш кредалыныт. Тидым ужымат, ачамын каласкалымыжым шарналтышым. Тудын кочажат сар корным эртен, тушман ваштареш лӱддымын кредалын. Кугезе кочанам шарнена, эре уштена.
Тек эре тыныс илыш лиеш мландымбалне. Тек ила йырымваш келшымаш.
София ГОДУНОВА.
Медведево, 6-шо номеран «Оҥгыр» йочасад.
Фотом еш архив гыч налме.
