8-23 сентябрьыште Нижний Новгород олаште Юл кундем федерал округышто тунемше-влаклан «Большая перемена» всероссийский конкурсын полуфиналже эртаралтеш. Тушто Марий Эл гыч 25 ӱдыр-рвезе таҥасаш тӱҥалеш.
Икымше сменын 9 полуфиналистше (снимкыште) конкурсышко ушнен. Нуно тунемме кейс-влак (метод, йӧн-влак) нерген презентацийым ямдыленыт да араленыт, тренинглаште уш-акылыштым тергеныт. Моло полуфиналист-влак 14 да 20 сентябрьыште корныш тарванат.
Ӱдыр-рвезе-влаклан сеҥымашым тыланена!
«Большая перемена» всероссийский конкурс 28 мартыште тӱҥалын да дистанционно эртаралтын. Марий Эл гыч 1617 тунемше 9 тӱрлӧ теме почеш мастарлыкшым терген.
