25-26 майыште «Президентский спорт модыш» всероссийский таҥасымашын республикысе йыжыҥже Йошкар-Олаште эртаралтын. Чылаже 8 команде лийын. Волжский районын чапшым ме, Сотнур школын командыже, араленна. Куштылго атлетике, стритбол, волейбол да ӱстембал теннис дене мастарлыкым ончыктенна. Таҥасымашлам иктешлымеке рашемын: ме икымше верым сеҥен налынна. Физкультурым туныктышо Р.С.Михайлов ден тренер М.С.Тимофеевлан сеҥымашке шуаш полшымыштлан кугу таум ойлена. Ончылно мемнам российысе таҥасымаш вуча. Тудо 7-27 сентябрьыште «Смена» всероссийский йоча рӱдерыште эртаралтеш.
Алёна ЧАПИШЕВА.
