«Еш – мыйын илышем. Шочшем-влакым моткоч йӧратем», – ойла марий мурызо, Марий Эл Республикысе Олык Ипай лӱмеш Кугыжаныш молодёжный премийын лауреатше Эльвира Токташева-Виногорова. Республикысе калык усталык рӱдерын уста пашаеҥже шочмо калыкым кажне ийын у произведенийла дене куандара.
Кок шочшан ава икшывыже-влакым марий йылмын сылнылыкшым, шочмо йӱлан поянлыкшым аклаш, йӧраташ кумылаҥда. Максим эргыже Озаҥысе суворовский военный училищыште шинчымашым пога. Ончыч «Онар» йоча куштышо ансамбльыш коштын. Юля ӱдыржӧ Йошкар-Оласе 23-шо номеран школышто 4-ше классыште тунемеш, тудат тиде коллективын участницыже. Нуным снимкыште ужыда. Чолга ӱдыр тӱвыра аланыште изи шӱдыр гай волгалтеш. Ик ий ончыч аваж дене пырля «Мале, малалте» мурым (мутшо Лидия Иксанован, семже Юлия Рамазанован) луктыныт. ™маште декабрьыште, шочмо калыклан эше ик у произведенийым – «У ий дене» мурым (мутшо Лидия Иксанован, семже Жаудат Гильмановын) – пӧлекленыт, оҥай клипым войзеныт.
– Шочшо-влак пелен улмо годым нунылан тӱткышым шукырак ойырыман: шинчымаш верчат тыршышт, поро пашамат аклаш тунемышт. Ешем дене пырля пӱртӱсыш лекташ йӧратена, тӱрлӧ экскурсийыш коштына, унала миен толына,– ойла чолга ава.
З.ТИМОФЕЕВА.
