Школыштына «Обелиск» акций эртаралтеш. Тыгай мероприятийыш кажне тунемше ушна. Кодшо кечылаште 7-ше «А» классна дене обелиск воктене лумым эрыктенна. Поро паша деч вара нӧлталтше кумыл дене школыш пӧртылынна. Вет обелиск – сар корным да кундемнан геройжо-влакым шарныктыше вер.
Яна КАЛИНИНА.
У Торъял, Кузнеч.
Фотом школ архив гыч налме.
Шукерте огыл мый Василий Юксернын «Марий патыр-влак» книгажым лудын пытаренам. Тиде книгаште марий талешке-влак нерген легенде-шамыч улыт. Чоткар ден Онар нерген возымыжо эн чот келшен. Мыйын шонымаште, нине патыр-шамыч чынжымак…
«Руш йылме пеш виян да куатан», – тыге ойлен кумдан палыме серызе, этнограф да лексикограф Владимир Даль. Тудын ойжо дене келшыде ок лий. Тӱнямбалне 260 миллион утла еҥ руш йылме…
