Красноволжский школышто тунемше-влак Школьник-влакын российысе толкынышт ра-дамыш 2016 ийыште ушненыт. Директор М.А.Стапеевын да воспитаний паша шотышто алмаштышыже Н.В.Зыко-ван моштен вуйлатымыштлан кӧра РДШ-ын чыла направленийже почеш пашам ыштена. Спортлан да таза илыш-йӱлалан кугу тӱткышым ойырена. Йоча-влак шахматым, шашкым, волейболым, футболым, дзюдом, ечым, куржталмашым, хоккейым утларак йӧратат. Тидлан нуным физкультурым туныктышо-влак А.А.Смирнов ден Н.И.Избанова да вожатый М.Н.Яковлева кумылаҥдат.
Ик эн йӧратыме проектна – «Сила РДШ». Тиде 1-10-шо класслаште тунемше-влак-лан воздушно-силовой атлетике дене таҥасымаш (снимкыште). Эн виян командылан «Сила РДШ» кубокым кучыктат. 2018 ийыште школнан командыже Марий Элысе школ-влак коклаште тыгай кубокым сеҥен налын. Икма-наш, Школьник-влакын российысе толкынышт кугу пашам шукта. Тӱшкаште – вий.
А.АРХИПОВА.
Курыкмарий район.
