Марий Эл Республикысе регби федерацийын еҥже-влак Шернур район Чылдемыр ялысе ӱдыр-рвезе-влак дене вашлийыныт. Орехово ялын эргыже, тале спортсмен Антон Соколов самырык тукымым регби дене палдарен. «Самырык еҥ-шамыч коклаште таза илыш-йӱлам шарыме, регби дене модмашым район илышыш шыҥдарыме шонымаш дене погыненна. Регби тӱрлӧ лиеш: регбилиг, тэг-регби, пляжысе регби. Спортын тиде видше дене 2006 ий гыч кылым кучем. Мыйын шонымаште, регби – чын пӧръеҥын модышыжо. Ме таза, виян, лӱддымӧ лийшаш улына», – ойлен тале спортсмен. А.Соколов дене моткоч кугешнена.
Дмитрий ВЕДЕНЬКИН.
1-ше №-ан Шернур школ.
