Буймо школын сад-пакчаже кугу верым айла. Тушто шоптырвондо, олмапу, вишне, тёрн, облепихе, шем пызле кушкыт. Школ пакчаште пареҥгым, кешырым, ушменым, киярым, помидорым, шоганым куштена. А телым чыла тидым шкеак кочкына.
Кеҥежым йоча-влак школ пакчаште практикым эртена. 5-6-шо класслаште тунемше-шамыч куд кече дене пашам ыштена, кугурак-влак – шукырак кече дене. Ме вӱдым шавена, шӱкшудым сомылена, емыж-саскам погена. Модын-воштылын, икте-весылан полшен, пашам ыштена.
Евгений ШОРНИКОВ.
Татарстан, Агрыз, Буймо.
Фотом школ архив гыч налме.
