Мый Шӱргыял школышто тунемам. Кеҥеж каникул жапыште дежурствыш коштам. Йолташ ӱдырем-влак дене школ ончылно улшо пеледышыш вӱдым шавена. Тений кеҥеж шокшылан кӧра кажне кечынак тыршаш логалеш. Пеледыш-шамычым Надежда Геннадьевна шынден. Чевер мотор тӱсышт дене нуно кажне еҥын кумылжым савырат. Икымше сентябрьыште йоча-влак школыш толыт да пеледыш коклаште фотом ыштат. Йӧратыза пеледышым!
Надежда СЕРГЕЕВА.
Морко, Шӱргыял.
