Ялыште коча ден ковам дене шоншиге ила. Тудым кочам чодыра гыч конден. Аваж деч посна кодын улмаш. Кочам янлыклан нарынче тӱсан изи пӧртым ыштен пуэн. Шоншиге шӧрым кочкеш, шаршудым пуэна. Изи пӧртшым кудывечыш луктына да шоншигым чараш колтена. Тудо ужар шудо ӱмбалне йывыртен кудалыштеш. Кидышке налаш лиеш, нимыняр ок шуркале. Шоншиге мундыра гай лийын возеш да мала. Кастене да йӱдым утларак чолга. Кугу лиймекше, тудым кочам чодыраш нангаен кода.
Даша ПОПОВА. Йошкар-Ола.
Авторын сӱретше.
