Оксам чын кучылт моштымо йодышлан школлаште пытартыш жапыште кугу тӱткыш ойыралтеш. Ӱдыр-рвезе-влак тидын дене кылдалтше шинчымашым налыт, тӱрлӧ конкурсышто уш-акылыштым тергат. Теве Советский район ™шнӱр школ гыч Мария Ягодарова, Лиана Петрова, Мария Рыбакова, Валентина Волкова шукерте огыл «Артек» тӱнямбал йоча рӱдер гыч пӧртылыныт. Тушто финанс грамотность да амалкалымаш дене всероссийский чемпионатын финалже эртаралтын. ™дыр-влак кумшо верыш лектыныт. Ялысе йоча-шамыч тыгай кугу кӱкшытыш кузе шуыныт? Тиде йодышлан вашмутым муаш шкешт дене вашли-йын мутланенам.
– Ме «STARCUPERS» командым чумыренна. Тудын дене тиде чемпионатын отборочный турыштыжо онлайн таҥасенна. Пӱсӧ уш-акылна ик йыжыҥ гыч весыш куснаш полшен. Тӱрлӧ заданийым сайын шуктен, финалыш лектынна. «Финансовая грамотность» кружокыш коштмына кугу шӱкалтышым ыштен. Тудым обществознанийым да экономикым туныктышо Елена Васильевна Кислякова вуйлата, – ойлышт ӱдыр-влак.
«Артекыште» «кучедалмаш» шокшо лийын. Тушто финанс, бизнес дене кылдалтше темым ойырен, шке шонымашым пеҥгыдын, ӱшандарен ойлаш кӱлын. Мутлан, коммунальный услугын сай да уда могыржо-влак нерген каласкаленыт.
– Кугу олала гыч толшо команде-влак дене таҥасаш куштылгыжак лийын огыл. Ме нунын дене лишкырак палыме лийынна. Шукышт Марий Эл нерген икымше гана колыныт. Ме марий калык, йӱла нерген каласкаленна, марла куштенна. То-ра кундемышке миен коштмына марий улмына дене утларак кугешнаш таратен, – кугу кумыл дене каласкалышт ӱдыр-шамыч.
Чолга тунемше-влак пагалыме лудшо, юнкор-шамычлан ончыко лӱддымын ошкылаш, кеч-могай шонымашке шуаш тыланышт.
