Шошо толмым шижаш таратыше Ӱярня пайремым чыланат йӧратат. Кугурак-влак мелнам кӱэштыт, йоча-шамыч курык гыч мунчалтат. Шукышт тудлан ончылгоч ямдылалтыныт.
Кужэҥер район Йӱледӱр кыдалаш школышто кумшо классыште тунемше-влак «Учись учиться» кружокышто, тӱрлӧ тӱсан кагазым кучылтын, ӱярня курчакым ыштеныт. Тиде кидпашалан класс вуйлатышышт З.Н.Бирюкова кумылаҥден. Кажныжын мотор, ойыртемалтше курчак лектын. Тек тудо шошым да шокшым конда.
Фотом школ архив гыч налме.
