Шукерте огыл «Воробьи на кустах» акций эртаралтын. Тудо Президентский пӱртӱс фонд полшымо дене эртарыме «Всероссийская перепись воробьев» кугу проект радамыште лийын. Тушко кокымшо гана ушненам. Марий Турек посёлкышто верланыше пӧртна воктене пӧрткайык-влак эре чоҥештылыт. Кормушкыш тамле кочкышым чӱҥгаш толыт. Но мый куд пӧрткайыкым веле войзен шуктенам. Эше узо але ава улмым палаш кӱлын. Ойыркалаш куштылго огыл.
Ме пӧрткайык-влаклан шукыж годым кугу тӱткышым огына ойыро. Нунын чотышт иземаш тӱҥалын. Ме шулдыран йолташнам эскерышаш, шотлышаш улына. Ты акцийыш вескана теат ушныза!
Полина ЩЕГОЛЕВА.
Марий Турек школ
