14-ше номеран гимназийыште «Стелла» пионер дружине 1994 ий гыч пашам ышта. Пионер пашам уэш ворандарен колтымаште гимназийын директоржо В.Н.Цепелевын надырже моткоч кугу. Барабанщик, знаменосец, юнкор-влакын школыштым чумыреныт. Кажне ийын 19 майыште 5-10-шо класслаште тунемше-влакым пионер радамыш пуртат. Тӱрлє фестивальым, погынымашым, конкурсым эртарат. 2005-2006 ийлаште «Келшымаш» фестиваль лийын. Республикысе районла гыч йоча-шамыч погыненыт. Пионер-влак Сеҥымаш кечым пайремлыме годым Курымашлык тул воктене почётан караулышто шогат. Пионер дружине самырык тукымым иквереш уша да сеҥымашке шуаш полша.
Полина ФИЛИНА.
Йошкар-Ола.
