Марий йылме да сылнымут арня годым «Усталык памаш» фестиваль эртаралтын. 1-4-ше класслаште тунем-ше ӱдыр-рвезе-влак йомак-шамычым марла модын ончыктеныт. 1-ше класс – «Ревым», 2-шо класс – «Ола чывым», 3-4-ше классла туныктышышт дене пырля – «Чыве, коля да кӱдыр» йомакым. 5-8-ше класслаште тунемше-влаклан кугурак пашам ӱшаныме. Нуно изирак ийготан-шамычым марий пайремла дене палдареныт. Марий вургемым чиеныт, сценым моторын сӧрастареныт, келшыше семым ойыреныт. Икманаш, икмыняр шагат марий сымыктыш ерыште «ийыныт».
А.ВАСИЛЬЕВА.
Одо, Карагӧл, Ныргындыш.
