Марий Элын 105 ияш лӱмгечыжым Пӧтъял школышто 1-ше классыште тунемше ӱдыр-рвезе-влакат палемденыт. Республикын эртыме корныжым кумданрак пален налаш манын, школысо тоштерыш унала миеныт (снимкыште). Тоштерым вуйлатыше Татьяна Васильевна Семёнова музейыште аралалтше арверла дене палымым ыштен, шочмо кундемын историйжым каласкален. Йоча-шамыч кугезе коча-коваштын илыш корныштым шарналтеныт. Нунын шочмо кундемым вияҥдымаште надырышт нерген ойленыт.
Кира ДАНИЛОВА.
Волжский район.
Фотом школ архив гыч налме.
