Май тӱҥалтыште класс дене походыш миенна. Ик тумо йымалне нерешташ тӱҥалше ятыр тумлегым (тумакайым) верештынна. Каласыман, мемнан кундемыште ты пушеҥге шуэн вашлиялтеш. Садлан тумлегым погаш да шындаш кутырен келшенна. Тыгак ыштенна. Ончыч классыште келшыше атыш шынденна (снимкыште). Тумлеге писын нерештын, росота койын кугемын. Кеҥеж канышыш кайыме деч ончыч изи тумо-влакым школ пакчаш кусарен шынденна. Йӱран игечылан кӧра сайынак ылыжыныт. Кызыт 21 пушеҥге вийым поген, одарланен кушкеш. Вес ийын ме нуным вес верыш кусарена. Шке шындыме пушеҥгынам ик жап гыч куанен ончаш тӱҥалына манын шонем.
Каролина ЯКАРОВА.
Татарстан, Агрыз, Буймо.
Фотом школ архив гыч налме.
