Советский район Ӧрша кундем гыч 22 пӧръеҥ Украиныште эртаралтше спецоперацийыште шке порысшым шукта. Тыгодым нунын авашт, пелашышт, ковашт, йочашт ӧрдыжеш огыт код. Кертмышт семын полшат. ӧрша селасе Косьма ден Дамиан черке пелен Воскресный школ кеҥежымат йоча йӱк дене темше лийын. 7-14 ияш ӱдыр-рвезе-влак Т.Н.Нагаеван, А.Г.Кропотован вуйлатымышт почеш волонтёр пашашке ушненыт (снимкыште). Кеҥеж каникуллан тӱрлӧ кундем гыч толшо икшыве-влак армейский душым ыштеныт. Яна ден Егор Репинмыт, Катя ден Никита Халтуринмыт, Аделина Полушина, Андрей ден Данил Репинмыт, Ангелина Мочалова, Полина Чепайкина – чыланат ӧрша школышто тунемыт. Ксения Домрачева Вечын, Маша Кропотова 21-ше номеран Семёновка, Максим Дубников Йошкар-Оласе 23-шо номеран, Софья Мочалова Марий Турек, Максим Иванов Медведево районысо Руэм, Сева Репин, Юлия Щербакова Советский посёлкысо школла гыч улыт. Йоча-шамыч дене пырля Вечын да ӧрша школлан туныктышышт-влак Э.В.Иванова ден Р.Г.Антропова, амалкалче Н.Т.Михайлова полшеныт. 1700 армейский душым тӱрлӧ вере колтымо. Салтак-влак деч таумутан видеом налаш моткоч куанле.
А.КРОПОТОВА.
Советский, Вечын.
