Йошкар-Олаште Сеҥымашын ХХХ идалыкше лӱмеш тӱвыра полатыште Еш идалыклан пӧлеклалтше «Усталык памаш» фестиваль эртаралтын. Тушто «Изи памаш», «Онар» йоча ансамбль-влак, «Марий памаш», «Эрвел марий», «Тулпеледыш» да моло коллектив мастарлыкыштым ончыктеныт. Икшыве-шамыч ача-ава-влак дене пырля В.Колумбын «Шочмо йылме» почеламутшым кугу сцене гыч лудыныт.
Фестиваль идалык мучко шуйна. Тӱрлӧ коллектив рӱдолаште да районлаште эртаралтше концертлашке кажне тылзын ушнаш тӱҥалеш.
Снимкыште: «Изи памаш» йоча ансамбль.
З.ТИМОФЕЕВА
