31 августышто Российыште имньын кечыжым палемдат. Тудо пеш тале, виян вольык. Имне-влак ойыртемалтше койыш-шоктышан улыт. Икте писе, тале гын, весе лӱдшӧ да тыматле. Тӱрлӧ урлык уло. Лапка пони-влак оҥайын чучыт. Ожно чыла неле паша имньылан логалын.
Йошкар-Ола деч тораште огыл верланыше ик имне фермыш ме еш дене чӱчкыдын коштына. Тушто имне ятыр: чома, ожо, шоҥго вольык. Нуным ниялташ лиеш. Икмыняр гана кушкыжашат пиал шыргыжалын (снимкыште).
Ангелина КРАШЕНИННИКОВА.
Йошкар-Ола.
Фотом еш архив гыч налме.
