Мый волонтёр улам. «МАМАFEST» фестивальыш шукерте огыл ушненам. Ме «Бумеранг добра» флешмобышто куштенна. Еш-влаклан «За любовь и верность» медальым кучыктымо годым полышкаленна. Тыгодым кугешнымаш кумыл ылыжын. Шуко шочшан, ятыр ий пырля илыше еш-шамычын пиалыштлан пырля куаненам. Висвис пеледышла койшо торт чыланыштым ӧрыктакен. Тудым Гиннессын рекорд книгашкыже пуртымо. Тутло тортым кажне толшо тамлен ончен кертын. Волонтёр лияш – пиал. Мый еҥ-влаклан ончыкыжымат полшаш да куаным кондаш тӱҥалам.
Наталья ИСМАКОВА.
Йошкар-Ола, 29-ше №-ан школ.
Волонтёр лияш – пиал
