Кугурак класслаште тунемше-влаклан «Зарница» квест-модыш лийын. Кажне класс маршрут кагаз почеш кладым кычалын. Вич кладым муаш да историй дене кылдалтше йодыш-влаклан вашмутым пуаш кӱлын. Мучашлан лӱйкалымаш дене таҥасымаш эртаралтын (снимкыште). Чаманен каласыман, ме, 5-ше классыште тунемше-влак, сеҥышыш лектын огынал, но уло кумыл дене тыршенна.
Анастасия МАЛЫШКИНА.
Звенигово, Чакмарий.
