Кирилл шольым дене сӱретлаш, тӱрлӧ поделкым ышташ йӧратена. Вара ача ден аванам куандарена. Пайрем годым эн сай пӧлек – шке гыч ыштыме арвер. Пластилин дене могай гына модышым ышташ огеш лий!? Тидлан ме кажне кечын жапым ойырена.
Виктория АХМАДЕЕВА.
Башкортостан, Бирский район, Изи Соказа.
Мый Черкешал гыч улам. Ялем кугу огыл гынат, пеш мотор. Виче эҥер йоген эрта. Йырым-йыр ужар чодыра гӱжла. Тушто кайык ден янлык ятыр. Телым лум ӱмбалсе кыша гыч тидыже раш…
Теле — уремыште модаш келшыше пагыт, садлан пӧртыштӧ шинчыме йӧршын огеш шу. Лум вочмеке, йолташем-влак дене вигак курыкым келыштаренна. Тушто эр гыч кас марте йӱк-йӱан шергылтеш. Икте ледянке дене мунчалта,…