Озаҥ олаште «Будущее зависит от тебя!» футбол дене всероссийский таҥасымашын кокымшо йыжыҥже эртаралтын. Тулык да ача-ава деч посна кушшо йоча-влаклан Лӱльпан рӱдерын командыже Марий Элын чапшым арален да сеҥышыш лектын. Эн сай капка орол семын Кирилл Марченком, эн сайын модшо семын Кирилл Козыревым палемденыт. Марий Элын командыжлан Сочи олаште эртаралтше таҥасымашын финалышкыже каяш путёвкым кучыктеныт.
Сеҥымаш Сочиш наҥгая
