Шинчымаш кечын Арбор школын 8-ше классыштыже тунемше Адам Малининлан (снимкыште) Почётан грамотым кучыктеныт. Рвезе «Лӱдыкшыдымылык школ» регион-влак кокласе таҥасымаште чолгалыкым ончыктен. Адам Марий Элын командыж дене пырля Мордовийыште кундемнан чапшым арален. Тудо кычалме-утарыме пашаште, тӱрлӧ чаракым, тул гоч эртымаште, вийым тергыме упражненийлам ыштымаште сеҥышыш лектын. Рвезын сеҥымашыже – физкультурым туныктышо Л.Н.Семёнован кугу паша лектышыже. Мыят Адам гай лийнем.
Амалия ЗЫКИНА.
Марий Турек район.
