Кажне айдеме шкаланже келшыше канышым ойы-ра. Икте теҥыз серыш кая, весе – йот элыш. Ме шочмо кундемыштына канена. Элнет эҥерыш йӱштылаш коштына. Ик кечын авам дене пырля сапборд дене ийын волаш кутырен келшышна. Пӱртӱсын моторлыкшым чон канен ончышна. Корнышто йӧрлшӧ пушеҥге ятыр. Тӱрлӧ кушкыл чаракым ышта, садлан пеш тӱткӧ лияш кӱлеш. Лудым, чарлаҥгым, курныжым, варашым, вӱтельым, кугынерым вашлийна. Авам йоча годсо йӱштылмӧ вержым ончыктыш. Шошор манме ошман серже кызытат уло. Шым шагат эрдене тарванен, мӧҥгӧ ныл шагатат пелылан веле толын шуна. Чылаже коло утла меҥгым ийын эртышна. Оҥайын да пайдалын каналтышна. Шар-нымаш ий мучко чоннам ырыкташ тӱҥалеш.
Саша СТЕПАНОВА.
Волжский, Упшер.
