Кеҥежын пытартыш тылзыштыже мый «Журавушка» лагерьыште каненам. Илыме вер деч тораште огыл мотор Таир ер верланен. Вӱдшӧ могай яндар, йӱштыл да йӱштыл. Яра жап йӧршын лийын огыл. Кажне кече мероприятий дене куандарен. Ме муренна, куштенна, усталыкна дене палдаренна. Шкем чолган ончыктымылан дипломым кучыктеныт. Мыят тудым налынам. Лагерьыште шуко у йолташым муынам. Параньга посёлко гыч Лена Ямаевалан кугу саламым колтем. Кок арня пеш писын, ик шӱлыш дене эртен. Вес ийынат каяш шонем.
Юля ЯГОДАРОВА.
Советский, Кельмаксола.
