Йоча да самырык-влаклан В.Колумб лӱмеш республикысе книгагудо «Идалыкын символжо – 2024» республикысе конкурсым иктешлен. Йочасадыш коштшо икшыве-шамыч, школышто тунемше-влак ача-аваштын полшымышт дене, тӱрлӧ материалым кучылтын, мотор, иктыже весыж деч ойыртемалтше драконым ыштеныт. Конкурсыш 213 паша пурен. Жюрилан сеҥышым ойыраш неле лийын. Туге гынат тӱрлӧ ийготан-влак коклаште сеҥыше-шамычым палемденыт. Ончышо-влакат келшыше пашалан йӱкыштым пуэныт. Эн ойыртемалтше драконым Йошкар-Оласе 13-шо номеран йочасадын воспитанникше Захар Симаков (снимкыште) ямдылен. Сеҥыше-влакым «В царстве Снежной королевы» у ий пайремыште саламленыт.
Фотом книгагудын сайтше гыч налме.
