А те Рубикын кубикшым поген моштеда? Теве Бирск оласе 1-ше номеран школын 4-ше классыштыже тунемше Демид Шуматов пе-еш писын пога. Тудын коллекцийыштыже 30 утла кубик уло. Кажныжым поген мошта. Школыштыжо 1-11 классла коклаште эртаралтше «Рубикын кубикшым эн писын погышо» конкурсышто икымше верыш лектын. Кызыт писылыкшым кажне кечын тренироватла. «Коллекцийышкем эше ик кубикым ешарынем. Тиде – 17х17-ан мегаминкс. Тудым погем да Всероссийский конкурсышто таҥасен ончем», – ойла Демид.
Шукерте огыл Марий Турек посёлкышто «Рябинушка» ансамбльын лӱмгече концертше эртаралтын. Ансамбльын йоча спутникше уло (снимкыште). Тушко мый визымше ий коштам. Ме, 1-9-ше класслаште тунемше-шамыч, тӱшкан руш муро-влакым гына мурена. Шкет…
«Росток» ансамбльыш коштшо куд ияш йоча-влак (снимкыште) Звенигово район Кужмарий тӱвыра пӧртыштӧ мастарлыкышт дене ача-аваштым, коча-коваштым куандарышт. Сценыште изи артист-влак шкеныштым чаткан кучышт. А костюмышт могай мотор! Кажне куштымашлан келшен…
