1-ше номеран Шернур школышто Тазалык кечым палемденна. Куштылго атлетике дене таҥасымаш эртаралтын. Кажне класс посна жапыште куржталын. Йӧратыме классемлан кугу таум ойлем. Пытартыш кругым куржталмем годым ӱдыр-рвезе-влак «Костя! Костя!» манын кычкыреныт. Тыге мый ӱшаным шижынам, да вием ешаралтын. Сеҥыше-влак радамыш лектынам. Игече сай лийын: кече ончен.
Костя ИВАНОВ.
Кеҥежым каныме, юарлыме шуэш. Туге гынат ты пагытыште ятыр сомыл улмым ме раш палена. Садлан ача-аваланна полшена. Школ кумдыкымат эрыкташ коштына. 27-31 июльышто школ стадионышто шудым удыренна (снимкыште). Тыге кумдык…
8 август — пырысын тӱнямбал кечыже. Эртыше ийын йочасадыште «Ме тыйын йолташет улына» кружокым вӱденам. Икшыве-влак дене пырыс нерген идалык мучко кутыренна. Тӱрлӧ урлыкым таҥастаренна, шымлымашым ыштенна. Йоча-шамыч шке сурт…