Марий Элыште 21 ӱдыр-рвезе единый кугыжаныш экзаменыште 100 баллым поген: 8 еҥ – руш йылме дене, 3 – химий дене, 3 – ИКТ дене, 2 – математике дене, 2 – физике дене, 1 – историй дене, 1 – географий дене, 1 – литератур дене. Кум тунемше кок предмет дене 100 баллан возен! Тиде Параньга кыдалаш школын тунемшыже химий да руш йылме дене, «Инфотех» АНО-н выпускникше математике да информатике дене, Политехнический лицей-интернатын тунемшыже физике да информатике дене.
Рособрнадзорын уверже почеш, 2021 ийыште Российыште 409 выпускник кок предмет дене ЕГЭ-м 100 баллан возен, 16 выпускник – кум предмет дене, ик тунемше – ныл предмет дене.
Марий Эл Республикысе образований да науко минис-терствын уверже почеш.
