Эдгар изам Пӱрӧ оласе техникумышто шинчымашым пога. Тунемме деч вара тренировкыш коштеш. Кеҥежым куржталыштыт, пикш дене лӱйкалат, телым ече дене мунчалтат. Ачери-биатлон дене кодшо ийын палыме лийын. Спортын ты видше нерген икымше гана колыда, очыни. Тиде ече дене мунчалтымаш да пикш гыч лӱйкалымаш лиеш. Изам тӱрлӧ таҥасымаште вийжым терген. Сеҥышыш лектын огыл гынат, кумылжо волен огыл. Сеҥымашке тудо кугу йол тошкалтыш дене ошкылеш.
Ксения АХМАДИШИНА.
Пошкырт, Мишкан, Ардаш.
