Мыйын Саша изам (снимкыште) уло. Тудо 1998 ий 9 июльышто Вончÿмбал ялеш шочын. Эҥерсола школышто тунемын. Мемнан ял ден школ коклаште – куд-шым километр. Изам школышко шошым да кукшо шыжым велосипед дене кудалыштын, а телым, ечым чиен, мардеж дене ÿчашен куржталын. Тудо изиж годсек уш-акылже, патырлыкше да кеч-могай нелылыкым чытен лектын моштымыж дене ойыртемалтын.
Историйым, географийым, математикым сайын пален. Районысо олимпиадылаште чÿчкыдын сеҥышыш лектын.
Школым тунем пытарымеке, Санкт-Петербург оласе Михайловский военный артиллерийский академийыште тунемын. Вара Дагестан Республикысе Кизляр олаште служитлен. Самырык лейтенантлан ик взводым вуйлаташ ÿшаненыт. Кызыт тудо Росгвардийын ик взводшын командирже. Саша изам специальный военный операцийыште мемнан элнам тушман деч арала.
Мария ВАСИЛЬЕВА. Морко район.
Фотом еш архив гыч налме.
