Сар – эн шучко жап. Тудо ойгым конда да ушеш курымешлан кодеш. Мыйын кугезе кочамат Кугу Ачамланде сарыште Шочмо элна верч кредалын. Сеҥымашым лишемдаш ӱдырамаш ден йоча-шамычат полшеныт. А сар нигӧм ок чамане. Икте вуйжым курымешлан пыштен, весе сусырген, кумшо увер деч посна йомын. Икшыве-влак тулыкеш кодыныт. Тиде элнан эртыме корныжо. Ме тудым сайын палышаш улына. Коча-кована-шамычын суапле пашаштым ӱмыр мучко шарнаш тӱҥалына.
Анна ПИРОГОВА.
У Торъял, Тошто Торъял.
