Юл кундем федерал округысо тунемше-влакын уш-акылым тергыше олимпиадыштын регионысо йыжыҥже радамыште эртаралтше «Мо? Кушто? Кунам?» модыш теният оҥай лийын. Тудо Йошкар-Олаште эртаралтын. Республикысе олала ден районла гыч 16 команде ушнен, 126 тунемше таҥасен. Ӱдыр-рвезе-влак кок турышто 30 йодышлан вашмутым пуэныт. Виян таҥасымаш деч вара Шуко профилян лицей-интернатын командыже кумшо верыш лектын. Йошкар-Оласе 11-ше номеран лицейын командыже кокымшо лийын. Икымше верым рӱдоласе Ломоносов лӱмеш лицейын командыже сеҥен налын. Нуно Марий Элын чапшым 20-22 апрельыште Пермь олаште эртаралтше финалыште аралаш тӱҥалыт. Сеҥыше-влакым снимкыште ужыда.
Пӱсӧ уш-акылан – сеҥыше
