«Образование» нацпроектын «Современная школа» федерал проектшым илышыш шыҥдарыше школ-влак «Доброшкола-2021» всероссийский конкурсышко ушненыт. Тушто Российын 81 субъектше гыч 130 школ таҥасен. Иктешлымаш почеш Марий Турек район Нартас школ-интернат лауреат лӱмым налын. У тунемме ий тӱҥалмылан Нартас школ-интернатыште лу тунемме кабинет ден мастерскойым олмыктеныт. Йоча-влакым ургымо, столяр, ялозанлык, штукатур-маляр пашалан туныктат. Ӱдыр-рвезе-шамычлан вияҥаш чыла йӧн ышталтын.
«Порылык школ»
