Пырысигын модмыжым ончаш пеш йӧратемат, Нина ковам пошкудо деч изи моклакам нумал кондыш. Пунжо нугыдо, мамык гай. Тудым Пушок манын лӱмдышым. Изиракше годым модаш йӧрата ыле, а ынде суртышто чыла вере шуэш. Эсогыл техникымат шергалеш. Икана гаражыште ачамын тракторыштыжо мален кия ыле. Вескана рульышкак кӱзен шинчын. Тидыжым йыштак ыштыме фотосӱретем дене ончыктем. А тендан пырысда могай?
Даша СОШИНА.
Морко, Купсола.
20 мартыште тӱнямбалне Йоча театр кече палемдалтын. Марий кундемнан рӱдолаштыже вич театр уло. Йоча-влак Республикысе курчак театр ден Марий самырык театрыш кошташ поснак йӧратат. Тушто нунылан келыштарыме спектакльым чӱчкыдынрак ончыктат.…
Школыштына «Страна детства» йоча театр пашам ышта. Тудым А.В.Иванова вуйлата. Ме «Эн сай школ театр» районысо конкурсышто кокымшо ий почела вийнам тергенна. Тений Анна Сердоликын «Счастье для Тимоши» пьесыж почеш…