«Родник» клубысо йолташ да ача-ава-влак дене пырля робот-шамыч ончерышке миенна. Мый 3D шинчалык полшымо дене пуйто пӧрт ӱмбалне чоҥештылынам, акул дене пырля вӱд йымалне ийынам. Изи машинашке шинчын, очким чиен, рульым пӱтыренам. Чынже денак кудалмыла чучын. Эсогыл Эйнштейным ужынна, ӱшанеда? Тудо чылт илышыла койын: шинчажым тарватен, умшажым почын кутырен. Мыланем эн чот мастер-класс келшен. Тушто ме тӱрлӧ тӱсан 3D ручка дене сӱретым чиялтенна. Икманаш, икмыняр шагатлан робот тӱняшке логалынна.
Алина СУББОТИНА.
2-шо №-ан Морко школ.
