«Самырык тукым» регион-влак кокласе VI йоча фестиваль марий тӱвырам, сылнымутым, сымыктышым аклыше икшывылан пайремым пӧлеклен. Фестиваль Микай лӱмеш (М.С.Герасимов) Элнет школышто эртаралтын. Тудо Шочмо йылмын кечыжлан, Еш идалыклан да Татарстан Республикыште увертарыме Шанче-технологий вияҥме идалыклан пӧлеклалтын. Тушко Одо кундем Грак районысо П.И.Бельский лӱмеш Марий Вожай, Татарстан Республик Агрыз районысо Бим да Менделеевск районысо Монашево школла гыч ӱдыр-рвезе да туныктышо-влак погыненыт. Нуным кугу уна-шамыч саламленыт. Кажне участник усталыкшым мастарын ончыктен.
Э.ИВАНОВА.
Татарстан, Менделеевск, Элнет.
Фотом школ архив гыч налме.
