Чодыран тӱнямбал кечыжым меат, 1-ше номеран Морко школышто 2-шо «А» классыште тунемше-влак, палемденна. Мемнан дене Морко лесничествын директоржо О.Г.Семенова уна лийын. «Чодыра – пӱртӱсын шерге поянлыкше. Тудым кажне айдеме аралышаш, чодыран законжым палышаш», – ойла Ольга Геннадьевна. Шоналтыза, нӧргӧ озымлан пушеҥге марте кушкашыже мыняр жап кӱлеш! Тидым чылан шарнышаш улына. Чодырам тул деч аралыман. Морко районышто чодыран кумдыкшым ешарыме шотышто паша ий еда эртаралтеш. «Шарнымаш сад», «Чодырам аралена» акцийлаште тӱшкан пушеҥгым шындена.
Софья НИКИТИНА.
1-ше номеран Морко школ.
