20 сентябрьыште Марий самырык театрыште премьере лийын. В.Белов ден С.Куваевын «Оранжевый ёжик» пьесышт почеш шындыме йомакым модын ончыктеныт. Режиссёр – Клара Аникина. Семым Виктор Апталиков келыштарен.
Ныл герой уло: Мераҥ, Пире, Корак да Саре Шоҥшо. Шоҥшо саре тӱсан лийын кертеш мо, йодыда, очыни. Кертеш! Спектакль нерген каласкалем гын, ўшанеда. Йочасадыште саре тӱсан Шоҥшым ургеныт. Волгыдым да йылгыжшым йӧратыше Корак тудым чодырашке янлык-влак дек шолышт наҥгаен. Шоҥшо Мераҥ, Пире дене вашлиеш. Нуно саре тӱсым ужытат, апельсин манын шонат. Теве кочкын колтат. Шоҥшо йочасадыш, пайремыш, миен шуаш кӱлмӧ нерген ойла. Но могай пайремыш, ок шарне. Чодыраште йырымваш мотор. Пират осал огыл. Тудо чодыран санитарже. Янлык-влакым арулыкым эскераш, пӱртӱсым йӧраташ туныкта. Саре Шоҥшын йочасадыш кузе пӧртылмыжым пален налнеда гын, спектакльым лишыл жапыште, 11 октябрьыште, ончен кертыда. Герой-влакын весела койышышт воштылаш тарата, а сылне сем кумылдам нӧлталеш.
Саре тӱсан шоҥшо
