14-15 декабрьыште Йошкар-Олаште «Тӱвыраште у» форум эртаралтын. Тӱвыра, сымыктыш, СМИ да моло аланыште пашам ыштыше, студент ден тунемше-влак кандаш площадкыште тӱрлӧ йодышым каҥашеныт. «Ямде лий» ден «Кугарня» газет редакцийлан пашаеҥышт-влак тунемме тӧнежлаште йоча ден самырык-шамычлан медиасообществым вияҥдыме нерген кутыреныт.
Форум годым Российысе калык-влакын тӱвыра поянлыкышт идалыкым иктешленыт. Тӱвыра пашаште ойыртемалтше-шамычлан «Калык чон» премийым кучыктеныт. Районласе мастар-влакат палемдалтыныт. Кужэҥер посёлкысо «Воштончыш» калык драме коллективым вуйлатыше О.Сергеева «Театр усталык» таҥасыште ойыртемалтын. Декоративно-прикладной сымыктышыште тыршыше калык мастар лӱмым Морко район Унчо этнокультур комплексын уам тодыштшыжо И.Гаврилов налын.
